Isa ka Pinay kag duha ka Indian national ang gin-aresto sang National Bureau of Investigation (NBI) bangod sa pagbaligya sang peke nga “herbal” medicine nga may opium kag morphine.
Lakip man diri ang pagbaligya nila sang peke nga rabies vaccine.
Ginkilala ang mga arestado kanday Kumar Sunil Motumal, Chutani Rakhi Darbala kag Mary Chris Mabini.
Nadakpan ang mga ini sa ginpatigayon nga entrapment operation sang January 31, 2019 kag magapangatubang ang mga ini sang kaso sa pagbayolar sa Comprehensive Dangerous Drugs Act of 2002, Cybercrime Prevention Act of 2012, kag Food and Drug Administration Act of 2009 nga ginpasaka sa Manila City prosecutor’s office.
Napaslawan ang mga suspek nga magpresentar sang lisensya kag certification gikan sa Food and Drug Administration.
Photo from web
