Isang Pinay na medical frontliner sa New York ang nasawi matapos atakihin ng isang lalaking palaboy.
Kinilala ng Philippine Consulate General ang biktima na si Maria Ambrocio, 58-anyos na nakatira sa Bayonne, New Jersey.
“We grieve with the rest of the Filipino Community over the death of our kababayan, Maria Ambrocio, a 58-year-old health frontliner from Bayonne, New Jersey, who is the latest victim of deranged individuals on the loose in New York City,” saad ng Consulate General sa Facebook post nito.
Kagagaling lang ni Ambrocio sa Philippine Consulate General noong Biyernes ng hapon at naglalakad na kasama ang isang kapwa Pilipino malapit sa Times Square nang bigla siyang atakihin ng suspek.
“Maria was walking with a kababayan near Times Square after visiting the Philippine Consulate General when she was struck by the suspect who was reportedly being chased after grabbing a mobile phone from someone,” lahad pa ng Konsulada.
Halos 24 na oras na brain dead ang biktima bago inalis ang kanyang life support.
Si Ambrocio ay isang oncology nurse sa Bayonne Medical Center.
“The incident is the latest in the series of violent acts committed by mentally-ill individuals against members of the Filipino Community in New York City since the start of the year,” dagdag pa ng Consulate General.
Nanawagan naman ang Consulate General sa mga awtoridad sa New York na higpitan ang police visibility sa lugar upang maprotektahan ang publiko lalo na sa tumataas na kaso ng anti-Asian hate sa Amerika.
