Davao City – Lakip nga mitabang sa sitwasyon karon sa kaso sa Coronavirus Disease 2019 (COVID)-19 sa Italy ang usa ka madre ug nurse gikan sa Davao de Oro.
Sa interbyu sa DXDC RMN Davao kang Nita Jubahib, taga Nabunturan, Davao de Oro nga 13 ka tuig nang nagtrabaho isip head nurse sa emergency department sa San Giovanni Addolorata Hospital sa Rome, Italy ug 26 ka tuig na usab isip madre sa Vatican City, gibutyag niini nga usa sa trabaho niini mao ang pag identipika sa mga pasyenteng nakitaan og simptomas sa virus aron nga mapailawom kini sa eksaminasyon.
“I’m working in the emergency. We are trying to have a filter nga kung kinsa to ang suspected sa virus. Then, i-separate dayon namo then after sa mga examinations kung positive, i-diretso dayon namo sa hospital sa infective disease. Mao ni among trabaho karon sa hospital as a nurse,” saysay ni Jubahib.
Gisiguro usab nila nga mga nagtrabaho sa ospital nga ma-protektahan usab ang ilang kaugalingon batok sa COVID-19.
Nasayran nga hugot karong gipatuman ang measures sa entero nasud Italy human nga gideklara sa ilang gobyerno ang nationwide lockdown tungod sa COVID-19 diin nagbaton ang nasud sa pinakataas nga ‘death toll’ gawas sa nasud China.
RadyoMaN Kirby Manzon
