Davao City – Mutambong sa closing Ceremony sa Davao Region Athletic Association kun DAVRAA Meet 2018 ang gold medalist sa 2017 SEA Games.
Sa pakighinabi ni RadyoMaN Joel Viray sa usa sa mga in-charge sa preparation sa closing ceremony nga ipahigayon sa University of Mindanao Matina Sports Complex, gibutyag niini nga base sa flow sa program nga mahimong guest speaker si Mary Joy Tabal, usa ka Cebuana marathoner nga nakasakmit og 1st PH gold sa 2017 SEA Games sa Kuala Lumpur, Malaysia.
Lauman nga unyang hapon madungog ang iyang pamahayag ug inspirational message ngadto sa mga atleta sa Davao Region.
Sa karon, padayon ang pagpangandam sa closing ceremony sa DAVRAA 2018 diin lauman nga mutambong si Davao City Mayor Inday Sara Duterte-Carpio, opisyales sa Department of Education ug uban pang kadagkuan sa syudad sa Davao ug sa Rehiyon XI.
RadyoMaN Renz Barbarona
