General Santos City–Hugtanong ginamonitor karon sa Police Station 3 ang penireso sa ilahang selda nga si Arnel Bravo, hamtong ang panuigon nga nanimuyo sa Maitum, Sarangani Province human nga misuway kini ug kutlo sa iyahang kinabuhi sulod sa CR sa ilahang Lock up Cell.
Sumala pa ni Police Lieutenant Felix Minion III ang Deputy Chief Of Police sa Police Station 3 nga ilaha nang ginamonitor ang nilihokan sa nasangpit nga preso aron dili na niya masubli ang pagsakit sa iyahang kaugalingon pinaagi sa pag samad-samad sa iyahang lawas gamit ang blade.
Dugang pa ni Lieutenant Minion nga ginapadalian na usab nila ang commitment order niini aron nga mabalhin kini sa Gensan Reformatory Center.
Nasayran nga nabuhat kini sa nasangpit tungod sa iyahang depresyon human nga wala kini mapyansahan sa iyahang amahan ug 6 mil ka pesos sa kaso niini nga pag-pangawat.
Samtang gilayon man usab matud pa nga ipailawom sa Oplan Galugad sa Police Staton 3 ang selda sa mga pinireso aron nga makuha ang lain pang mga butang nga ginataguan sa mga nasangpit.
Pag paklaro usab ni Minion nga ang shaver nga ginagamit sa mga preso ang gigamit sa nahisgutan aron nga sakiton ang iyahang kaugalingon.(Dave Silagan)
