Patay ang usa ka piniriso sa Misamis Oriental Provincial Jail kon MOPJ human matud pa kini mi-ambak sa hagdanan sa Philippine Drug Enforcement Agency o PDEA 10.
Piniriso nailang si Reyjie Reyes, 35 anyos, taga Malaybalay, Bukidnon kinsa na priso sa kasong murder sulod sa lima ka tuig.
Matud ni Assistant Jail Warden Maricris Mulat sa MOPJ nga nakitaan na kinig depression.
Gipasabot ni Mulat nga Standard Operating Procedure matud pa nila nga ipa drug test kini rason nga gidala kini sa PDEA apan gibalibaran tungod kay walay request order.
Sa dihang pa balik na kini sa MOPJ uban ang tulo ka escort kalit lang kini mi-ambak sa hagdanan sa PDEA 10.
Dugang pa ni Mulat nga hapit na kini mo gawas.
Samtang, gikuha na sa pamilya ang patayng lawas ni Reyes human namatay mga alas 9:25 kagabie nga unang gidala sa Northern Mindanao Medical Center human makaangkon sa dakong samad sa ulo.
