Gituhoang giatake sa kasingkasing ang 29 anyos nga lalaking si Christopher Campuredondo nga taga-Lomboy, Barangay Indahag ning syudad, niadtong alas kwatro sa hapon sa Huwebes sulod sa mini-cell niini sa Cogon Police Station.
Nasayran nga napriso ang biktima tungod sa kasong multiple rape tungod sa paglugos niini sa otso anyos nga bata.
Matud pa nga gipangutana ang biktima sa iyang kaubang priso kung unsay iyang kaso ug dihang misulti kini nga rape, giingnan kining dili na siya makagawas sa prisohan tungod kay tibuok kinabuhi na kining mapriso.
Tungod matud pa niini, daw sa nasubo ang biktima ug wala na kini magtingog.
Mahinumdoman usab, nga puno ang selda sa Cogon ug walay hangin nga makasulod.
Samtang, mireklamo usab ang pamilya sa biktima sa dxCC-RMN Cagayan de Oro tungod sa pagtuong gikulata ang ilang kauban sa pamilya busa kini namatay.
Apan giklaro ni COCPO Director Police Senior Supt. Nelson Aganon, nga dili mahimo sa ilang mga polis ang gialegar sa pamilya tungod kay supak kini sa balaod.
By: RadyoMaN Ellah Baculio
