Gipanghimakak sa hepe sa Cogon Police Station nga si Chief Inspector Harvey Abellosa nga wala kulataha ang ilang usa ka piniriso nga si Christopher Campo Redondo.
Kini sukwahi sa pasangil ni Neresa Candelanza ang live-in partner ni Redondo.
Matud ni Abellanosa nga mga alas kwatro sa hapon niadtong Mayo Tres si Redondo mi-reklamo nga naglisod siya sa pagginhawa sulod sa iyang detention Cell sa Cogon Police Station.
Matud ni Abellanosa nga ilang gidala sa Northern Mindanao Medical Center ni Redondo sakay sa ambulance sa Oro Rescue.
Apan mga alas 4:35 sa hapon niadtong Mayo 3, gideklara sa attending Physician sa Northern Mindanao Medial Center nga patay na si Redondo.
Si Redondo, gidakop sa mga pulis sa Cogon Police Station alas nuebe sa buntag niadtong Mayo Tres sa Sityo Paglaom, Barangay Camaman-an tungod sa kasong pagpanglugos sa otso anyos nga batang babaye.
Giaghat ni Abellanosa, ang pamilya ni Redondo nga ipa-ubos sa autopsy ang iyang patayng lawas aron masayran unsay hinungdan sa iyang kalit nga kamatayon.
By: RadyoMaN Nitz Arancon
