Davao City – Arestado sa kapolisan San Pedro ang usa ka pintor human nakuhaan og shabu sa gilusad nga buy bust operation sa Purok 1 Jacinto Ext. Brgy 10-A, siyudad sa Davao.
Sa report gikan San Pedro PNP, naila ang dinakpan nga si Louie Espera alyas Dodong, 26 anyos, residente sa Soliman St. Agdao ning dakbayan.
Sumala pa nga sa dihang gikasa ang operasyon, malampuson napalitan sa pulis ang suspek og usa ka sachet sa gituohang shabu kambiyo ang buy bust mark money nga 1,500 pesos diin lakip nakumpiska gikan sa suspek ang kwarta nga nagkantidad og 70,000 pesos ug usa pa ka sachet sa gituohang shabu.
Sa karon, balhug na San Pedro ang dinakpan ug giandam na sa kapulisan ang kasong adunay kalapasan sa R.A 9165 kun Comprehensive Dangerous Drugs Act of 2002 batok sa suspetsado.
RadyoMaN Don Pulayao
