Nanawagan karon ang pamunuan sa Provincial Information Office sa Misamis Oriental Provincial Capitol sa Kapisanan ng mga Broadkaster ng Pilipinas kon KBP kalabot sa mga walay disiplina sa kaugalingon nga mga tigpamababa sa nagkadaiyang politiko sa lalawigan gamit ang mikropono.
Matud ni Carlo Dugaduga ang Kanhi Presidente sa KBP Cebu Chapter nga unta maaksiyunan sa KBP ang batasan sa pipila ka announcer, ilabi na kay naghatag kini og dakong kadaut sa dungog sa kinatibuk-ang organisasyon sa prensa sa Misamis Oriental ug Cagayan de Oro.
Particular nga gitumbok ni Dugaduga ang tigpamababa sa mga Uy sa Villanueva, nga si Mr. Rey Jagos- diin kinahanglan matud pa nga ipabalik og seminar sa KBP aron malamdagan ug mahinumduman sa iyang limitasyon isip tigpamababa sa politico.
Dugang pa ni Dugaduga nga sama sa nawad-an na og panimuot si Jagos kung anaa kini sa kahanginan, tungod sa paggamit niini og mga bastos nga pulong, tunglo, ug balikas nga dili angay mogawas sa kahanginan.
