Agig depensa sa nasud sa higayon nga lampornason kita sa klase-klaseng mga man-made ug natural disasters, gikinahanglan na nga tukoron sa labing madaling panahon ang mga ‘alternative sources’ sa mga produkto-agrikultural sama sa mga gulay, prutas ug uban pa.
Matud ni Agriculture Sec. Emmanuel Piñol, mugnaon sa Duterte administration ang mga bag-ong ‘cereal granaries and veggies bowls’ aron adunay kakuhaan sa mga gulay kun maigo sa kalamidad ang mga traditional vegetable farms sama sa gulayan didto sa Central ug Northern Luzon.
Usab gi-anunsyo karon ni Piñol nga mokabat sa 20 metriko toneladang gulay gikan dinhi sa Davao, Cagayan de Oro ug Bukidnon ilupad na karong adlawa paingon sa kaulohan aron mo-supply sa panginahanglanon didtong dapita kansang stocks nadiskaril sa dihang gibigwasan ni ‘Ompong’ ang kaumahan sa amihanang Pilipinas.
Gisegundahan usab sa kalihim ang urgency nga ang gobyerno mo-invest diha sa air cargo system alang sa pag-deliver sa mga agricultural produce sanglit mas mahal man ang transportation cost ning presente karon nga sistemang passenger vessels ug commercial plane cargo delivery system.
RadyoMaN June Duterte
