Valencia City, Bukidnon – Padayon karon ang gihimong imbestigasyon sa Valencia City Police Station sa pagpusil patay kang Brgy. Mailag Kapitan Jesus Ragsac atubangan sa iyang panimalay kaniadtong nakalabay nga adlaw.
Sa interview sa RMN Malaybalay ngadto kang Supt. Al Abanales ang hepe sa Valencia City PNP, gibutyag niini nga daghang angulo ang ilang gitutukan ilabina nga ang biktima usa ka barangay kapitan.
Gitan-aw matud pa nila karon ang pinaka-rason sa motibo sa maong pagpamusil.
Matud ni Abanales nga apil sa angulo ang ilang gitutukan ang personal nga panagbangi ug isyu sa land conflict.
Nasayran nga naka-angkon ug lima ka samad pinusilan si Ragsac human kini gipusil sa usa ka suspetsado sa mao nga dapit.
Facebook Comments
