Pipila ka mga balay sa Barangay Bugo ang naanod human mikusog og kalit ang tubig sa suba kagabii.
Matud ni Jennifer Tipasi, ang tag-iya sa balay nga naanod nga kumpyansa lang sila tungod kay hubas ang suba ug nakurat nalang kini dihang naninggit ang iyang mga silingan nga dako na ang tubig.
Matud ni Tipasi, ginama lang sa kawayan ang ilang balay hinungdang dali ra kining gianod sa baha ug TV lang ang ilang nasalbar human nila gisaka sa ilang silingan.
Dugang pa ni Tipasi nga mao kini ang unang higayon nga naanod sa baha ang ilang balay sulod sa pila ka tuig nilang pagpuyo sa maong dapit.
Facebook Comments
