Sumala sa usa sa mga drayber nga si Sammy Adlawon, 67-anyos, matud pa nga ang ilang nag-unang panawagan mao ang pagpaubos sa presyo sa petrolyo ug pagpaspas sa subsidiya.
Butyag pa ni Adlawon nga kon patas-an ang presyo sa plite, kulang ang piso (1) gumikan dili na sab, matud pa, dagsa ang mga pasahero tungod sa daghang mga bus nga nagahanyag og libreng sakay.
Samtang, nakigduyog sab ang commuter nga si Jay Lozano, Youth Advocate for Pro-People Transportation Network, sa maong aktibidad uban ang panawagan nga pugngan ang pagsaka sa presyo sa petrolyo, pagwagtang sa VAT, excise tax, ug ang pagtunol og tabang kun ayuda sa mga drayber.
Hinuon, dali ra kini nga natapos human nga gibadlong sa kapulisan gikan sa Talomo Police Station ang mga rallyista tungod kay walay permit nga napakita ug gipahibalo nga sa freedom park lamang ang saktong lugar alang sa paglusad sa aktibidad.
Human sab sa 5-minutos nga lugway alang sa paghipos, nagkasinabot ug mituman ang mga rallyista sa kapulisan nga mubiya sa lugar ug gitapos pinaagi sa paglamanohay.
RadyoMaN Kareen Beltran
