Kakason niya sa trabaho suno kay South Cotabato Governor Reynaldo Tamayo Jr., ang mga job order nga empleyado nga imbolbado suno pa sa pagbaligya sang anum ka container sang krudo kadungan sa ginpatigayon nila nga operation sang nagligad nga semana sa Upper Valley area.
Samtang ang mga regular nga empleyado sang Provincial Engineering Office nga imbolbado man ang ihaboy nya sa Barangay Ned ukon i-assign sa malayo nga lugar kon indi iplastar kon ano ang natabo kag kon sin-o ang nagpanguna sa pagbaligya sang krudo.
Suno kay Governor Tamayo indi ang mga ini makadeny tungod ang masaligan niya nga tawo ang testigo sa pagbaligya sang mga ini.
Ginpahayag man sang gobernador nga ginwarningan niya na suno pa ang mga ini nga indi paghimuon ang mga ginahimo sadto pa tungod indi niya luyag nga may korupsyon sa panahon niya.
