Delikado pa gihapon nga puy-an ang pipila ka mga lugar sa Marawi City.
Partikular niini ang mga lugar nga grabeng naapektuhan sa giyera o gitawag nga ground zero kung asa nahitabo ang grabeng giyera tali sa militar ug Maute ISIS Terrorist Group.
Matud ni A-F-P Joint Task Force Ranao Deputy Commander Col Romeo Brawner, dunay 24 ka mga barangay pa nga anaa sulod sa ground zero ang delikado pa gihapong puy-an tungod sa mga nabilin o gituyo nga gitanom nga bomba sa Maute ISIS Terrorist Group
Gawas sa mga tanom nga bomba, wala pa gihapon narekober ang tanang bomba nga gibuhian sa tropa sa gobyerno nga wala nibuto.
Bisan luyo nga daghan pa gihapong delikadong lugar sa Marawi gibutyag ni Brawner nga maisip nang balik sa normal ang kinabuhi sa kapitolyo sa Lanao del Sur.
Mahinumduman nga Mayo 23 sa nakalabayng tuig sa dihang nagdeklara og martial law ang gobyerno sa Mindanao tungod sa presensya sa Maute ISIS Terrorist Group sa Marawi.
