Sa interview sa RMN Malaybalay ngadto kang PMaj. Joan Navarro, Spokesperson sa Police Regional Office (PRO)-10, gibutyag niya nga aduna silay ginamonitor nga mga criminal group sa probinsya sa Bukidnon apan giklaro nga dili na kaayu aktibo.
Kini sumala pa tungod kay mga remnants nalang kon mga kabilin nalang sa grupo ang nahibilin ug padayon nga ginalakag sa mga otoridad.
Bisan paman niana, makonsidera gihapon sumala pa ni Maj. Navarro nga malinawon ang probinsya ug layo sa hulga sa kriminalidad.
Mas-ginapahugtan matud pa sa kapulisan ang ilang intelligence monitoring aron nga masikop kining mga nahibiling miyembro sa mga criminal group ilabi na sa Bukidnon.
Gikinahanglan usab sumala pa niya ang kooperasyon sa katawhan maong panawagan niya nga kung adunay mga namatikdan nga kadudahang mga indibidwal, dili matud pa magduha-duha nga mureport gilayon sa kapulisan.
