Nagsira na ang pipila ka illegal nga outlets sa Small Town Lottery o S-T-L nga naglihok ning syudad, tungod sa hugot nga kampanya sa kapolisan batok sa mikaylap nga ilegal nga sugal.
Matud ni Cagayan de Oro City Police Office o COCPO spokesperson Police Chief Insp. Mardi Hortillosa, nga ang maong kumpirmasyon basi sa validation report gikan sa mga station commander nga milusad sa operasyon batok illegal STL operations.
Mahinumdoman, nga misumiti og listahan ang P-C-S-O sa legal nga mga S-T-L outlet sa P-N-P, aron direktang maaksyonan ang paggrabe sa mga illegal financier ug operator sa dakbayan.
Samtang gisupak usab sa mga legitimate STL operator ang gipahayag sa kapolisan nga nasumpo na ang illegal gambling operations sa mga financier nga nagpadula ning syudad ug lalawigan.
Kini human migawas sa press release sa Cagayan de Oro City Police Office o COCPO, kung asa gipamugos sa kapolisan nga wala nay naglihok nga illegal S-T-L outlets sa syudad.
Matud ni kanhi Police Supt. Roque Marban, nga kabahin sa legitimate STL operator ang mga bakak nga gipangsulti sa kapolisan ning dakbayan.
Gihagit usab ni Marban ang mga opisyal sa syudad nga butanga’g ngipon ang pagpatuman nila sa balaod batok sa paghitak sa illegal nga sugal sa dakbayan.
