Sa interview sa RMN Malaybalay ngadto kang Kadingilan Vice Mayor Segundo Tadeo Jr., gibutyag niya nga pipila sa mga residente ang nakabalik na sa ilang mga pinuy-anan apan aduna usay pipila nga nagpabilin pa sa evacuation area.
Dugang pa niya nga aduna na usay security clearance ang kasundaluan nga pupuwede nang makabalik ang mga residente sa ilang mga panimalay.
Man gani, mismong si Vice Mayor Tadeo ang nakasulod na sa lugar kung asa nahitabo ang engkwentro tali sa kapulisan ug sa gikaingong armadong grupo.
Muabot sa 389 ka mga households ang namakwit partikular sa Sitio Bacbacon, Kawilihan, ug Bukohanon sa Barangay Cabadiangan, Kadingilan, Bukidnon.
Sumala ni Vice Mayor Tadeo nga ang area kung asa nahitabo ang kagubot, gikaingong gi-develop sa munisipyo sa Carmen, North Cotabato, hinungdan nga mialma ang lokal sa Kadingilan, Bukidnon tungod kay ginsakupan pa kini sa lungsod.
Gumikan niana, gidangop kini sa SP-Bukidnon ug diha-diha gihisgutan ang isyu may kalambigitan sa utlanan sa duha ka mga lugar.
Nadesisyonan na matud pa nga i-resurvey ang maong area aron mahibaluan kung kinsa gayud ang nanag-iya apan wala pa kini mahitabo.
Una sumala pa nga gipabuthan ang mga mipuyo sa maong lugar sa wala mailang persona hinungdan nga giatake nila ang patrol base sa kapulisan.
