Davao del Norte – Kapin 26 ka mga pamilya kun 116 ka indibidwal gikan sa mga Purok 1 ug 7, Brgy. Basak, Nabunturan ang temporaryong mipahawa sa ilang panimalay ug nanimuyo sa barangay gym.
Samtang 36 ka mga pamilya kun 133 ka individual gikan sa Prk. 8, Brgy. Magsaysay, Nabunturan, ug 20 ka mga individual kun 9 ka mga pamilya gikan sa Prk. 8 Brgy. Magading ang anaa usab sa evacuation center.
Sumala ni Provincial Disaster Risk Reduction Management Council (PDRRMC) operation officer lV Raul Villocino, nagpahigayon sila og ‘pre-emtive evacuation’ aron malikay sa peligro ang publiko tungod sa baha.
Gikinahanglan maminaw ang publiko sa mga barangay opisyal sa ilang barangay aron maseguro nga luwas ilang pamilya gkan sa baha ug landslide nga miresulta sa kamatayon sa upat ka mga tawo sa Brgy. Tandik lungsod sa Maragusan kagahapong adlawa.
RadyoMaN Juls Catisay
