Pipila ka oil companies, nipataas sa presyo karong adlawa

Nagpatuman sa usbaw karong adlawa sa presyo sa ilang mga produktong petrolyo ang pipila ka kompanya sa lana.

Nasayran nga 20 sentabos kada litro ang usbaw sa presyo sa gasolina ang gipatuman sa Caltex ug Pilipinas Shell Petroleum samtang 45 sentabos ang gipa-usbaw sa diesel ug kerosene.

Samtang parehong price adjustment usab ang gipatuman sa Phoenix Petroleum ug PTT Philippines Corporation gawas lamang sa kerosene nga adunay laing presyo.

Ang maong price adjustment ang gipatuman karong alas sais sa buntag human usab sa paglihok sa presyo sa world market.