Gipagawas o gipapahawa sa South City Central School sa Barangay Nazareth ning syudad sa Cagayan de Oro ang mga supporters sa mga kandidato.
Kini human nakamugna og tensyon sa area.
Mismong si Cagayan de Oro City Police Office Director Sr. Supt. Nelson Aganon ug COMELEC Representative Berna Quiambao ang nagpapahawa sa mga supporters.
Nakitang nangampanya sa area sila 2nd District Representative Maxi Rodruigez, kanhi 2nd District Representative Rufus Rodriguez uban sa ilang mga supporters ug si incumbent City Councilor Ian Mark Nacaya ug mga supporters.
Anak ni Congressman Maxi Rodruguez ang nagpapiling Barangay Kapitan nga si Maximo Rodriguez III.
Samtang asawa ni Konsehal Nacaya ang kontra ni Rodruguez nga nagpapili pagka kapitan sa Barangay Nazareth nga si Rina Nacaya.
Matud ni Konsehal Nacaya nga nianha sila sa maong tunghaan human namatikdan nga tulo ka oras nang naa sa lugar ang duha ka magsoong Rodriguez.
Gibutyag usab ni Kanhi Congressman Rodriguez nga nianha sila sa area tungod kay nibotar ug dili kalikayan matud pa nga dunay makig-istorya ngadto kanila.
