Sa pakighinabi sa mga magsisibya kang Jay Caren Bucol niadtong Nobyembre 10, 2026, gibutyag niya nga aduna na silay gipaabot nga arrest warrant, apan wala niya gibutyag kon kinsa pa sa mga miyembro sa ilang pamilya ang nahilakip.
Matud ni Bucol nga ang maong warrant subay sa ilang pagpangita sa hustisya sa kamatayon ni Kapitan Oscar Dodong Bucol, apan wala sila mahadlok niini aron lang makab-ot ang hustisya sa kamatayon sa iyang manghod.
Nasayrang nakuwangan ang pamilyang Bucol sa gihimong imbestigasyon sa Special Investigation Task Group Bucol.
Matud sa sa igsuon sa kanhi Kapitan, daghan sa mga impormasyon nga gikuptan sa SITG Bucol ang wala pa napaabot sa ilaha ug daghan sa mga pangutana sa pamilya ang wala natubag sa mga pulis, ilabi na kinsa ang giimbistigahan nga persons of interest sa krimen.
RadyoMaN Bien Abanos
