Tutol o diri abuyon ha Extra Judicial Killings ngan madugo nga War on Drugs an panawagan han mga grupo nga mag aalyansa ngan magrarally buwas nga adlaw ha Syudad han Tacloban. Ini in may paghisumpay ha pagdudumaraon yana nga Change Summit ngan ika 45 nga anibersaryo han Martial law ha Pilipinas.
Ginkakabaraka han pipira nga grupo nga bangin magdeklara hin Martial law hi Presidente Rodrigo Duterte.
Sanglit yana nga adlaw ha Justice Romualdez ngan rizal avenue St. lauman nga damo iton mga ralihista hini nga mga dalan.
Ha ginpagawas nga advisory han TOMECO, magkakamayada parada may paghisumpay han New Beginnings for Change Summit sanglit lauman daw nga matraffic buwas hit aga ha mga masunod nga dalan; Magsaysay BV, Real St., ilabi na ha may Astrodome nga dapit, Angelecum area,
Sagkahan St, Calanipawan Rd, Robinsons Place ha may Marasbaras ngan ha Boyscout Rotonda.
Ha Facebook post han TOMECO,para ha mga motorista kun mahihimo likayan la anay ini nga mga area para malikayan an paghuruot ngan pagbug-at hiton trapiko.
