Gibulabog sa usa ka pagpamusil ang kasaulogan sa fiesta sa Bayugan city, Agusan del Sur niadtong adlawng Sabado diin patay ang biktima nga empleyado sa Gaisano Mall. Giila ni PO2 Rey Pagaora sa Bayugan city PNP ang biktima nga si Mark Anthony Vertudazo, 25 anyos, adunay live in partner ug residenti sa P-6, brgy. Pili, Bayugan city ug nagtranbaho isip stock man sa Gaisano Grand Market Place sa maong syudad. Nagsakay ug tricycle ang biktima alas 7:30 sa gabie, aron mopauli na iyang panimalay apan kalit niabot ang suspek ug gipusil patay ang biktima. Nigawas sa imbistigasyon nga adunay kanhi kapuyu ang biktima ug aduna silay anak sa maong babaye, mao’ng selos ang gilantaw nga motibo sa krimen. Daling nadakpan sa kapulisan ang suspek sa gikasa nga manhunt operation niini. Sent from my Samsung Galaxy smartphone.
