Indi maka-upod sa duha ka adlaw nga nationwide transport strike sa maabot nga Lunes kag Martes, Oktubre 16-17 ang PISTON-Panay.
Ini ang ginpahayag ni Edgar Salarda, Presidente sang PISTON-Panay sa interview sang RMN iloilo.
Suno kay Salarda nga na-alang-alang sila sa preparasyon sa paghiwat sang transport strike nga ginapanawagan sang PISTON National.
Subong man, ginpahayag ni Salarda nga bilang suporta sa nasambit nga lihok sang PISTON-National, magahiwat sila sang Caravan sa maabot nga Lunes kon sa diin magatipon ang tanan nga maga-upod sa caravan sa Mohon Terminal kag magalibot sila sa mga terminal sa palibot sang siyudad.
Bitbit nila ang kausa sang grupo nga pagpamatuk sa PUV phase out kag lakip na ang pagpakamalaut sa padayon nga pagtaas sang presyo sang produktong petrolyo.
