Tagkumpirmar isab kuman nan mga sakop sa PISTON Surigao na mohimo isab sila nan transport strike silom na adlaw dungan sa iban pa na mga lugar sa Pilipinas . Sumaya pa ni Mr. Hersey Angob, an PISTON coordinator dinhi sa syudad na andam na sila modungan sa iban na mga lugar silom na adlaw , Lunes, Octobre16, para sa pag-undang pamasada sanan ipabati an ila pagprotesta sa plano kuman nan kagamhanan na iphase out na an tanan mga jeepneys labina jadton mga karaan na. Ini amoy nakabutang isab sa bag o na Jeepny Modernization Program sa gobyerno.Sajo kuman buntag tagpagawas nan Malacanang an deckalarasyon sa pagsuspendi sa klase silom na adlaw sa tibuok Pilipinas tungod sa transport strike na himuon.Lakip isab na tagsuspendi an trabaho sa mga opisina sa gobyerno silom na adlaw sanan sa tanan mga korte.Hinuon sa mga pribadong opisina labina mga bangko an jaun na sa mahimong desisyon sa mga employers.
