Pito ka balay ang nasunog sa Purok Kwatro Greenshell, Magsungay, Brgy. Sincang Airport, Bacolod City kaina sang udto.
Sa pito ka balay, 4 ang totally-damaged kag 3 naman ang partially-damaged. Sa karun padayon pa ang imbestigasyon sang Bureau of Fire Protection (BFP) sa ginhalinan sang kalayo kag kun pila ang balor sang kahalitan. Wala naman sang nasamaran sa insidente.
Ginpahayag ni Punong Barangay Rosinie Distrito, nga kun wala sang himata nga maistaran ang mga nasunugan, patindugan nila sang temporary shelter ang mga ini sa tupad sang ila barangay hall samtang ginakay-o ang ila nasunog nga balay.
Wala naman sang nasalbar nga gamit ang pamilya Javier nga ginatudlo tag-iya sang balay nga ginhalinan sang sunog.
[image: image.png]
Facebook Comments
