Ginpaidalom sa lima ka adlaw nga Enhanced Community Quarantine ang Brgy.Poblacion, Tupi, South Cotabato nga umpisa subong nga adlaw, Oktubre 23 tubtob Oktubre 27,2020. Ini matapos nga nakarekord sang 18 ka nagpositibo sa COVID-19 sa nasambit nga barangay.
Suno kay Tupi Mayor Romeo Tamayo sa iya nga opisina mismo naghalinan ang virus tungod pito sang mga staff nya ang nagpositibo.
Samtang, ginkumpirmar ni Mayor Tamayo nga negatibo siya sa COVID-19, apang nagapabilin nga nakaquarantine.
Nagapati ang alkalde nga nakuha sang mga empleyado sini ang virus sa mga nagapangayo sang ayuda, travel pass kag iban pa.
Pahayag pa sang alkalde nga natapos naman ang contact tracing sa mga close contact sang mga nagpositibo. Hingyo naman niya sa mga pumuluyo sa banwa nga indi idiscriminate ang mga empleyado sang munisipyo matapos nga nakaekperyensya na ang mga ini.
Sa subong suno pa padayon ang operasyon sang pipila ka opisina sang LGU.
