Nadala sa Northern Mindanao Medical Center kon NMMC ang usa ka pamilya
human nga gibanggaan sa Rural Transit Mindanao Inc. ang gisakyang multicab.
Kini nahitabo sa national highway sa Barangay Logoilo, Alubijid Misamis
Oriental.
Matud ni Alubijid Traffic Investigator PO1 Alfe Fabricante, nga naila ang
mga biktima nga sila si Richard Villastique Sr, Rochie Villastique, Miriam
Villastique, Rey Villastique, Princes Villastique, menor de edad, Michael
Villastique, menor de edad, ug AJ Villastique.
Nasayran nga gikan sa Luyong Bonbon Opol Misamis Oriental ang mga biktima
kay nangaligo og dagat ug pauli na unta, dihang pag-abot sa crossing sa
barangay Logilo, gidumbol sa pula nga Rural bus ang ilang multicab.
Hinoon, gitubag sa RTMI bus company ang tanang gasto sa tambal ug hospital
sa mga biktima, ingun man ang pagpaayo sa naguba nga multicab.
