Gibuhian kagahapong adlawa ni Misamis Oriental Gobernor Bambi Emano, ang pito sa walo ka piniriso sa Misamis Oriental Provincial Jail kon M-O-P-J.
Kini ang gipahibalo ni Jail Warden Dominador Tagarda, kinsa miingon nga ang ikawalong piniriso ang buhian sa Enero tres pa s sunod tuig.
Tumong sa pagbuhi sa walo ka nga magpakabuhi sila kauban ang ilang pamilya human usab sila nga nagtinarong sulod sa prisohan, sulod sa dugayng panahon gumikan sa ilang sentensya.
Ang pagbuhi usab kanila pinasikad sa gihimong ebalwasyon sa kadagkoan sa provincial jail, nga ilang gipakita kang Gobernor Emano.
Ang walo adunay nagkalain laing kaso, kinsa nalipay usab sa pinaskohang gihatag kanila sa gobernador.
Samtang
Mihangyo matud pa ang maong mga piniriso kang Gobernor Bambi Emano nga unta makagawas sila sa prisohan, aron ilang makauban ang ilang pamilya ilabina ning panahon sa Pasko ug Bag-ong Tuig.
Kini ang gipahibalo ni M-O-P-J Warden Dominador Tagarda, inubanan matud pa sa pagsaad sa mga piniriso nga dili na sila mohimo og salaod sa ilang paggawas sa prisohan.
Dugang pa ni Warden Tagarda, nga gisaad usab sa gobernador nga oras nga subli silang mohimo og salaod sa ilang paggawas, dili na gayod sila mahatagan pa sa higayong makagawas kung subli na usab silang mapriso.
Gibutyag usab ni Tagarda sa maong mga piniriso, nga oras nga madakpan sila pagbalik gumikan sa pagsupak sa ilang gisaad ug nakahimo sa krimen, mas motaas na unya ang ilang sentensya sulod sa prisohan.
By; Radyoman Aiza Enloran and Ellah Baculio
photo credit; MOPJ Jail
