Gumikan sa narecover nga gallon sa gasolina, mga improvised explosive device dako ang pag-tuo sa militar nga ang front committee 16 sa New People’s Army NPA naglaraw kini sa pagpangataki.
Kini ang gipahayag ni Lt. Colonel Gleen Joy Aynera, Battalion Commander sa 29th IB, human nila nailog kagahapon sa hapon ang usa ka kampo, sa may Barangay, San Roque, Kitcharao Agusan del Norte.
Apan sa wala pa nila mailog ang maong kampo sa mga rebelde, adunay bakbakan nga nahitabo sa tropa sa 29th IB ug armadong NPA.
“Dako ang akong pagduda nga naka preposition nang daan ang mga NPA sa mao nga kampo ug andam na usab kini manulong, mangsunog ug mga ekipo”, si Colonel Aynera namahayag sa interview sa DXBC RMN Butuan.
Narecover usab sa operating troops ang 6 ka mga tag-as nga mga armas, landmines, mga buhing bala, dextrose, ug mga suborsibong document.
Gidugang pa ni Aynera nga una na silang nakadawat ug taho gikan sa mga residente sa lugar nga dunay presensya sa mga NPA sa lugar, ug didtu dali sab nilang girespodihan ug naabtan ang mga myiembro sa NPA nagsabwag matud pa ug kagubot sa nahisgutang dapit.
