Gitrabaho karon sa mga officials ug miyembro sa Integrated Bar of the Philippines o IBP Misamis Oriental-Cagayan de Oro chapter ang pag-follow-up alang sa pag-establish sa gidamgo nga matukod ang Judicial Complex sa Sitio Taguanao, Barangay Indahag ning syudad sa Cagayan de Oro.
Matud ni Executive Judge Dennis Alcantar, Presiding Judge sa Regional Trial Court Branch 18 nga sa maong Judicial Complex didto na i-house ang Mindanao Court of appeals mga korte sa Regional Trial Court ug Municipal Trial court sa Cagayan de Oro ug opisina sa IBP Misamis Oriental- Cagayan de Oro chapter.
Gibutyag ni Alcantar nga gihulat na lamang sa korte Suprema ang pundo alang sa maong proyekto nga i-construct duol sa government International Convention Center sa Sitio Taguanao.
Ang maong announcement gipadayag ni Judge Alcantar atol sa oath taking Ceremony sa bag-ong napiling mga officials sa IBP sa Misamis Oriental chapter.
Si Judge Alcantar maoy nagpapanumpa sa maong mga officials sa IBP nga gipahigayon niadtong Lunes sa gabie sa Cusina de Oro sa Barangay 35.
Lakip sa ba-ong officer sa IBP nga nanumpa atubangan ni Judge Alcantar mao silang Atty. Carlo Antonio Almirante, IBP President, Atty. Katrina Mordeno Vice President, Atty. Teresa Blanco Secretary, Atty. Cesar Bagaipo Treasurer, Anny. Anna Cabanlas Caros, Auditor, Atty. Rex Raagas PRO.
Nanumpa usab sa ilang katungdanan ang mga bag-ong Board of director sa IBP nga silang Board Member Atty. Kit Laurel Llego, Atty. Jairo Ladera, Atty. Kevin Jay Celestino, Atty. Johanne Emmanuel Agustin, Atty. Karol Chaim Bartolome ug Atty. Eddie Cuaresma ang Immediate Past President.
Lakip sa mga saksi sa maong oath taking, silang Judge Gil Bolluzos, Presiding Judge sa RTC branch 21, Judge Elueteria Algodon, Atty. Dale Bryn Moderno Past IBP Governor ug uban pang mga de kampanilyang mga abogado.
Sa iyang acceptance speech, gipahayag ni Atty. Almirante nga iyang garbo ug dakong challenge ang iyang pagka bag-ong Presidente sa IBP local chapter.
Matud ni Almirante nga iyang ipadayon ang trabaho nga gibiya-an ni Immediate Past President Cuaresma.
Matud ni Atty. Cuaresma nga ang iyang duha ka tuig nga pagka Presidente sa IBP iyang nasugat ang dakong challenge sa iyang trabaho labi na kay gideklarar ni President Duterte ang Martial law sa Mindanao niadtong May 23 sa milabayng tuig.
“We passed a resolution supporting the Implementation of martial law” matud ni Cuaresma.
Ang maong bag-ong official sa IBP, napili sa ilang katungdanan atol sa ilang IBP election niadtong Pebrero 23 sa Grand Caprice Restaurant.
Ang maong mga IBP officials moserbisyo hangtud sa tuig 2021.
