Gipirmahan na ni Mayor Ronnievic Lagnada ang ordinansa nga nagbawal sa paggamit ug plastic cellophane dinhi sa dakbayan sa Butuan.
Kini ang gipahayag ni City Councilor Cromwel Nortega, chairman sa committee on environment sa Sangguniang Panglungsod sa dakbayan sa Butuan.
Ang SP Ordinance 5334-2017 nga maoy nag-repeal sa SP ordinance 5064-2016 nga gipangamahanan nila ni City Councilors Cromwell Nortega, Vincent Rizal Rosario ug Derick Plaza.
Unod sa maong ordinansa ang pagbawal sa paggamit ug plastic nga iputos sa sa mga dry goods, pagbawal sa plastic nga sudlan sa mga softdrinks ug ubang ilimnon, pagbawal sa plastic nga sudlan ug basura ug pagbawal niini sa tanang matang sa okasyon.
Nakalakip usab sa maong ordinansa ang pagmugan ug council nga maoy tahasan sa pagmugna ug mga kahugpungan gikan sa nagkalain-laing sector aron mohimu ug basket ug ubang pweding kasudlan aron ibaligya sa mga dagkung tindahan alang sa ilang panginabuhian.
