Pagadian City – Nadakpan sa mga kapulisan sa gipahigayon nga drug buy bust operation ang usa ka aktibo nga myembro sa Moro Islamic Liberation Front ( MILF).
Naila ang dinakpan nga si Askim Andam, 23 anyos og residente sa Payong, Sultan Naga Dimaporo, Lano del Sur , Platoon Leader sa 105TH Based Command Central Mindanao Front, Moro Islamic Liberation Front (MILF) base sa Identification Card nga nakompiska niini.
Nakuha sa posisyon sa dinakpan ang usa ka sachet nga gitouhang shabu isip buy bust, tulo ka sachet sa shabu ug P300 nga buy bust money.
Ang dinakpan ang temporaryong gipaslak sa PDEA detention cell, Capitol Complex, Pagadian City samtang naghulat sa kaso nga ipasaka niini sa paglapas sa Acta Republika 9165 kon Comprehensive Dangerous Drugs Act of 2002.
