BACOLOD CITY – Handa na buwas nga adlaw ang mga depampasahero nga mga jeep para serbisyohan ang mga estudyante nga magapadulong sa tagsa nila ka mga eskwelahan sa una nga adlaw sa pagbukas sang klase.
Ini ang ginpahayag ni Diego Malacad, Secretary General sang United Negros Drivers and Operators Center ukon UNDOC sa interview sang dyHB.
Suno kay Malacad, sa pihak sang asud-asod nga pagsaka sa presyo sang gatong, sa gihapon magapabilin sa P5 pesos ang plete sang mga estudyante, persons with disability kag sa mga nagabusong samtang P6.50 naman sa mga regular commuters.
Ginpaathag sang tagdumalahan sang UNDOC nga handa sila magsakrepisyo bangod luyag nila proteksyunan ang mga pasahero bangud amo ini ang nagabuhi sa ila.
