Davao City – Pabor ang organisasyon nga Parents Mobilization Action Group (PMAG) sa rekomendasyon karon ni Sen. Riza Hontiveros nga itudlo sa mga tulonghaan ang birth control sa tibuok nasud.
Matud ni PMAG President Febe Matthew, ‘prone’ ang mga batan-on sa pre-marital sex nga magresulta sa sayo nga pagsabak ug aron malikay sa early pregnancy gikinahanglan matudloan sila sa birth control.
Segun ni Matthew, dali ra madala ang mga kabataan sa ilang gibati nga bisan og nasayod sila sa ilang dangatan apan ila gihapon himuon ang pagsalo sa kalipay nga alang lang sa magtiayon.
Ang kakulang sa tinguha sa mga ginikanan nga edukahon sa birth control ang rason ngano mangaburos ang ilang mga anak nga tataw’ng dili pa andam muatubang sa responsibilidad sa pagka-ginikanan.
Kung puno sa kahibalo mahitungod sa birth control ang bag-ong henerasyon matud pa makahimo na sila sa pagdepensa sa ilang mga kaugalingon gikan sa early pregnancy kung matintal man sila sa kalipay sa kalibutan.
Apan kon itudlo man ang birth control himoon kini sa high school level sanglit sensitibo kini nga hisgutanan ug dili makasabot niini ang anaa sa elementary level, dugang ni Matthew.
RadyoMaN Joel Viray
