La Libertad, ZDN-Gipamahayag ni PMaj. Abubakar Abdulkalam Ibno, nga sukad siya na destino sa lungsod sa La Libertad, hapsay ug malinawon ang mao nga lungsod.
Sa iyang tan-aw, usa sa mga hinugdan niini, mao ang hugot nga pagpatuman nila sa seguridad sama sa paghimo ug mga checkpoint ug pag patrolya diha sa sentrong bahin ug sa kabaranggayan.
Malipayon siya isip hepe sa mao nga lungsod kay ang katawhan sa la libertad mitabang gayud sa ilang kawsa aron mapatunhay ang kahapsay ug kalinaw sa lungsod.
Gidugang pa ni PMaj. Ibno, sa ilang buhatan sulod sa usa ka semana ana lamang sa usa o duha ang magpatala pero dili mga dagko nga kaso/krimen.
Gani iya kanunay nga giawhag ang katawhan sa La libertad nga tabangan sila isip mga tigpatuman sa balaod aron makab-ot ang tinuoray nga kalinaw sa iyang AOR.
