Gituki ni Dr. Lemen nga diha sa pagbaton og malinawon ug puno sa gugma nga pamilya, importante alang sa mga ginikanan nga makighinabi sa mga anak kung kumusta na ba sila, maminaw kung aduna ba sila’y mga mulo nga gusto ipasibaw, ug sabton ang ilang nagkandaiyang pagbati.
Ang pamilya nga duna’y ligdong nga pundasyon gikan sa asawa ug bana hangtod sa mga anak, mubo ang tyansa nga malambigit sa mga kahilayan ang mga myembro niini sama sa alcohol o drug abuse ug mas mapalambo pa nila ang ilang kaugalingon nga sila malikay sab sa depresyon.
Kun ugaling ang pamilya mapakyas sa ilang relasyon sa matag usa sulod sa panimalay, posibleng muresulta kani sa panagbangi o sa mas bug-at ug seryoso pa nga problema.
Kahinumduman, usa ka babae gidunggab-patay sa iyahang 14 ka tuig na nga live-in partner sulod sa gitrabahuan niining laundry shop sa Barangay Tigatto, Buhangin District, Davao City niadtong Hulyo 30, 2023.
Sa pagpanubay sa DXDC RMN Davao, selos ug depresyon ang ginatudlo karong motibo sa pamilya sa suspetsadong si alyas Orly hinungdan nga nabuhat niyang patyon ang iyang kapikas nga si alyas Ann.
RadyoMaN Ivy Parido
