Gibarugan sa Police Regional Office PRO – 10 ang ilang pagsunod sa Republic Act No. 6713 o Code of Conduct and Ethical Standards for Public Officials and Employees.
Kini human nahisgutan ni Pangulong Rodrigo Duterte nga puwedeng mudawat sa regalo ang mga pulis.
Sa interview sa RMN Malaybalay ngadto kang PNP 10 Regional Spokesperson P/LtCol. Mardy Hortillosa gibutyag niini nga mao kini ang balaod nga ilang gisunod ug mao usab ang ilang na-andan.
Aminado usab siya nga aduna gayo’y mga gipanghitabo nga adunay muhatag ug pahalipay ilabina ug ilang natabangan kung asa mutanyag ug snacks ug mga pagkaon.
Aron usab matud pa nga walay isyu, ginalikayan nila kining dawaton.
Nasayran nga gitudlo sa police force sukad sa sa training ang pagka matinud-anon sa pagtuman sa katungdanan.
Klaro matud pa ang kalainan sa suhol, pagpangotong ug regalo, ilabina ug daghang miyembro sa komunidad ang boluntaryong naghatag sa kapulisan kung nalipay sa gihatag nga serbisyo.
Samtang sa intewrview sa RMN ngadto kang Engr. Rodolfo Pancrudo, ang regional coordinator sa Volunteers Against Crime and Corruption kon VACC region 10 gibutyag niini nga ang pagdawat ug regalo usa ka matang sa kurapsyon.
Matud niya nga hugot usab kining gibawal sa R.A 6713.
Nagtoo usab siya nga ang gi-ingon ni Pangulong Duterte usa ka paghagit sa mga PNP personnel kung mudawat ba gyod kini o dili.
Gidugang ni Pancrudo nga ang pagdawat ug regalo maoy sinugdanan sa kurapsyon.
