South Cotabato—Gi-angkon ni Police Col. Jemuel Siason, Provincial Director sa South Cotabato Provincial Police Office, nga adunay mga lugar partikular na sa Polomolok ang dili gyud masulod sa miyembro sa kapulisan.
Nag-unang hinungdan mao ang lugar kung asa dili kabisado sa mga pulis kung asa ang mga grupong nagalihukan sa lugar ang dugay na ug anad na kung asa molusot higayon nga adunay mga operasyon nga himuon ang otoridad.
Gipanghimakak niya nga tungod sa peace process tali sa MILF ug MNLF ang usa sa hinungdan nga dili nila masulod ang Bentong, Barangay Sulit, sa Polomolok.
Dili matud pa mamahimong kwestunon sa bisan kinsang partido ang unsa mang lehitimong operasyon nga himuon sa kapulisan o unsa mang unit sa law enforcement.
Dugang pamahayag ni Pol. Col. Siason nga halos tanang gina-operasyunan sa kapulisan uban ang militar sa probinsya ang nag-atubang ug managlahing kaso.
Sama nalang sa nahitaboing operasyon nga miresulta sa pagkamatay sa teroristang si Ben Usman nga miyembro sa Dawlah Islamiya Maguid Group kon Ansar Al Khilafa Philippines.
Pagpaklaro niya nga nag-unang mandato nila mao ang ipabiling hapsay ug malinawon ang ilahang Area Of Responsibility ug usa sa ilahang ginapasalamatan sa South Cotabato mao ang kooperasyon sa katawhan.(LVR)
