PNP Caraga gihatagan ug ultimatum sa kamatayun sa doctor

109

Sobra na 36 oras apan wala pa maila sa kapulisan ang driver sa SUV nga nakabangga patay sa usa ka batan-ong doctora didto sa Santiago, Agusan del Norte. Angay masayran, Gitagaan ug 36 oras ni Pang. Rodrigo Duterte ang kwerpo sa kapulisan sa Agusan del Norte aron maila ug madakpan ang driver sa Fortuner kolor itom nga mibangga sa usa ka batan-ong doctor didto sa lungsod sa Santiago, Agusan del Norte nga miresulta sa iyang hinanaling kamatayon.
Sigun ni Arturo Arambolo, ang amahan sa biktimang si Dra. Zuriele Arambolo, nga nipaabot ug mensahe ang representanti ni Pang. Duterte nga gi-pressure na karon ang kapulisan nga masulbad ang kaso sa “hit and run” gumikan sa kagamay sa lugar.
Nipasalig usab si Mayor Franklin Lim sa lungsod sa Santiago nga madakpan ang wala mailang driver.
Nanghinaot ang amahan sa biktima nga matagaan ug hustisya ang kamatayon sa iyang anak human sila molupad pauli sa Cainta, Rizal.
Si Arturo Arambolo, ang amahan sa biktimang si Dra. Zuriele Arambolo sa iyang pamahayag sa interview sa RMN DXBC Butuan.
Nasayran nga kagabie gilupad na pauli sa Cainta, Rizal ang patay’ng lawas ni Dra. Arambolo sakay ang Presidential Plane.
Samtang bandang alas 8 kapin kon kulang kagabie, gisita sa kapulisan ang usa ka itom nga Fortuner nga adunay guba sa atubangan nga nag-parking kilid sa usa ka sikat nga kan-anan sa Butuan isip tipik sa imbistigasyon sa PNP, apan gi-release ra usab pag-abot sa pipila ka minuto.
Sent from my Samsung Galaxy smartphone.

Facebook Comments