Suportado sa Police Regional Office 13 ang pamahayag ni Pangulong Rodrigo Duterte na ihunong ang unsa mang matang sa investment scam maong awhag niini ang publiko nga dili mag-invest aron dili mahimong biktima.
Madumduman nga una nang namahayag si PNP Caraga Regional Director PBGen. Gilberto DC Cruz na aduna na silay nadawat na direktiba na imbestigahan ug magpahigayon sila ug case-build up batok sa tanang indibidwal ug grupo nga sabit sa investment scam groups nga nag-operate dinhi sa Caraga.
Samtang gawas sa NBI giklaro sab sa heneral nga wala silay nadawat nga reklamo batok KAPA.
Sa kasamtangan gawas sa Organico Agribusiness Ventures Corporation nga gi-raid sa gingsakpan sa CIDG sa Brgy . Limaha niadtong nakalabyang semana wala na nasundan pa ang maong pangronda sa mga investment entities nga nag-operate dire na sa rehiyon.
Nahibaloan nga nagpagawas na ug Immigration lookout bulletin order ang Department Of Justice batok sa mga opisyal sa Kapa Ministry nga gilangkuban nila ni Joel Apolinario, Nonita Urbano, Nelia Nino, Maria Pellea Sevilla ug uban pa.
[image: rd cruz.jpg]
