Gikumpirma ni Police Regional Office kon PRO-10 Spokesperson Police Lt. Col. Mardy Hortillosa nga adunay kasamtangan karong gihimong nga imbestigayon ang CIDG kalabot sa anomalya sa SAP distribution sa probinsya sa Bukidnon.
Matud niya nga adunay gihuptan karon ang CIDG nga duha ka kaso , 3 ka reklamo ang nadawat ug adunay 4 ka mga suspek.
Nasayran nga sa interview sa RMN ngadto kang Charmaine Tadlas, ang information officer sa Department of Social Welfare and Development kon DSWD 10 gibutyag niini nga naghimo na sila karon ug post validation nga nagpasabot nga kamulo na ug imbestiga ang DSWD ug nag-adto sa mga balay-balay ang otoridad aron sutaon kung ang nidawat sa SAP angayan ba gayod nga mudawat.
Matud ni Tadlas nga kung masuta nga adunay pamilya nga dili kwalipikado ang nidawat sa SAP apan nikobra ug 6-mil, ila kining pasakahan ug kaso.
Bukas matud pa ang DSWD nga mudawat ug sumbong gikan sa mga concern citizen aron ila kining ma-imbestigahan.
Kung aduna matud pay irregularidad sa mao nga ayuda tungod sa mga local opisyales, isumbong kini ngadto sa DILG.
