Padayon nga nakaisolate sa subong ang tanan nga nakaupod sa seminar sa PNP 12 regional headquarters sang isa ka CIDG personnel nga nagpositibo sa COVID-19 sang nagligad nga semana nga sa inisyal nga datos yara sa 16 ka police personnel, suno kay Regional Public Information Officer, P/LT/COL. Lino Capellan.
Ginkumpirmar niya man nga ginapaidalom sa imbestigasyon ang nasambit nga police officer para sa nagakaigo nga kaso nga ipasaka batok sa iya tungod sa pagbayolar sa polisiya kag safety protocols batok COVID-19 sang Inter-Agency Task Force for the Management of Emerging Infectious Diseases (IATF-MEID).
Ini matapos nga suno kay Capellan wala nagpaidalom sa quarantine ang nasambit nga polis sa pihak nga COVID-19 suspect ini kag naghalin sa Manila.
Suno pa nga ginpaidalom sa transcription-polymerase chain reaction testing sang Agosto 20 ang nasambit nga polis kag nakumpirmar nga COVID-19 positive sang Agosto 27.
Apang nagreport pa sa trabaho kag nagtambong ini sang seminar sa regional headquarters sa Barangay Tambler sang Agosto 24.
Sa subong suno kay Capellan ang nasambit nga police officer ang yara sa isolation facility sa Sultan Kudarat.
Samtang gilayon naman suno pa nga ginmando ni Police Regional Director 12 P/B/GEN Michael John Dubria ang istrikto nga quarantine measurers kag contact tracing.
