Bahala na ang Crisis Management Committee sa himoon nilang lakang apan magpadayon matud pa ang gipahigayon nga rescue operation sa PNP ug Militar sa duha ka mga pulis nga gunit karon sa New People’s Army nga sila si PO2 John Doverte ug PO2 Alfredo Degamon. Kini ang gibutyag ni PNP Caraga Regional Director PCSupt. Noli Romana.Niya pa bugtong ang Presidente lamang sa Pilipinas ang makadesisyon ug ihunong nila ang operasyon o dili. Dugang pa sa opisyal, nganong dili lang buhian bisan asang lugar ang duha ka mga pulis kana kung gusto gyud buhian sa NPA. Madumduman nga nangayo ug napulo ka adlaw nga ceasefire ang NPA sa unom ka mga lugar sa Surigao del Norte nga gilangkuban sa Alegria, Tubod, Placer, Bacuag, Gigaquit ug Claver sa rason aron mahimong luwas ang pagrelease sa duha ka mga pulis. Sent from my Samsung Galaxy smartphone.
