Gipahigayun ang send off ceremony sa Police Regional Offie 13 ang tropa sa kapulisan nga i-deploy sa mga sementeryo dinhi sa syudad sa Butuan aron motabang sa seguridad nga gipatuman sa Butuan City Police Office (BCPO).
Sigun ni PCI Renel Serrano, spokesman sa PR0 13 nga mokabat sa 265 ka mga personahi gikan sa Regional Headquarters ug National Support Unit ang moabag sa seguridad dinhi sa Butuan, samtang mokabat sa 4,299 ka mga personahi sa kapulisan nga i-deploy sa tibook rehiyon sa Caraga.
Nag-unang bantayan sa kapulisan ang mga sementeryo, pantalan, tugpahanan, merkado, simbahan ug uban pa’ng mga lugar nga dagsaon sa mga tawo.
Ibutang usab sa PNP ang ilang Police Assistance Center sa mga sementeryo.
Subling gipaklaru ni PCI Serrano nga walay hulga sa seguridad ang nadawat sa kapulisan niini entero obserbasyon sa kalag-kalag.
Padayung gi-check sa mga personahi sa Department of Transportation (DOTr) ang road worthiness sa mga sakyanang de pasaheroan – sama sa bus, van ug jeepneys diin mobisita ang mga tinugyanan sa LTO ug LTFRB ang mga terminals.
Gipangunahan ni DOTr OIC Reg’l Director Engr. Nordy Plaza ang pag-inspeksyon sa mga terminal ug kung masuta nga dili luwas sa pagbyahe ang mga sakyanan hayan nga dili sila tugutan nga mobyahe sa ilang mga destinasyon.
Nag-awhag ang DOTr nga kinahanglan dalhun sa mga drivers ang ilang Certificate of Conveyance, OR/CR, ilabina ang drivers’ license nga maoy unang susihon sa ilang buhatan.
Regular nga gibuhat matud pa ang pag-check sa mga sakyanan apan na-highlight lamang karong obserbasyon sa kalag-kalag tungod sa bul-og sa mga pasahero nga mopauli sa tagsa-tagsa ka mga lugar gumikan usab sa taas nga holiday
