Ginapangita na sang Lapu-Lapu City Police Office ang tatlo ka mga ginatudlo suspek sa brutal nga pagpatay sang isa ka Grade 9 student sang Maribago National High School sa Lapu-Lapu City matapos na-missing sang nagserbe pa sa simbahan bilang collector sang Domingo sang gab-i.
Suno kay Senior Supt. Lemuel Obon, Lapu-Lapu City Police Office director, posible nga ginrape ang dalagita nga ginkilala kay Christine Lee Silawan sang nasapwan nga patay na sa bakante nga lote sa Sitio Mahayahay, Barangay Bangkal syudad sang Lapu-Lapu City kag wala na sang pang-idalom nga panapton.
Nagserbe pa ang biktima sa Sacred Heart Parish Church apang namissing pagkatapos nga nagpauli na halin sa misa.
Kahapon lang sang aga Marso 11, nasapwan 500 metros ang kalayuon halin sa simbahan ang bangkay sang dalaga nga may buno sa liog kag ginpanitan pa ang iya nawong.
“We are tracing that now,” ang pahayag ni PSSupt. Obon.
Suno sa pila ka mga witness, posible ara sa impluwensya sang illegal nga droga ang mga suspek.
Photo from web/ CTTO
