May gilantaw na nga ‘person of interest’ ang Cabadbaran city Police Station sa insidenting pagpusil patay ni Punong Barangay Nelson Mata sa Brgy. Bayabas, Cabadbaran city Agusan del Norte.
Sa interview sa RMN DXBC Butuan gibutyag ni P/Maj. Joepetros Catubig, hepe sa Cabadbaran city PNP nga adunay tawo na sila nga giisip nga person of interest sa krimen kinsa wala na Makita sa dapit pipila ka oras adesir ang krimen. Ang gitumbok nga hinungdan sa pagpatay mao ang bikil personal nga gikalambigitan ni Kapitan Mata.
Tungod niini malaumon si P/Maj. Catubig nga masulbad ra ang kaso sa labing dali nga panahon.
Ang pamahayag ni P/Maj. Joepetros Catubig, hepe sa Cabadbaran city PNP sa interview sa RMN DXBC Butuan.
Kahibaloan nga igu lamang nipalit ug sigarilyo sa gawas sa panimalay si Kap. Mata apan gipusil kini sa wala maila nga suspek igu sa dughan ug dead on the spot ang nasangpit nga biktima (with report archer capadeso/ivy falcone) [image: cbr captain.jpg]
