General Santos City—MAY pipila na matud pang gunit nga mga pangalan sa personalidad ang kapulisan sa Polomolok South Cotabato nga posibling may kalambigitan sa kamatayon og pagpusil patay sa deputy chief of police sa Polomolok Municipal Police Station kaniadtong milabayng mga semana.
Kini ang nahimong gimapamahayag ni Police Chief Inspector Marvin Dua-dua, hepe sa community relations office sa South Cotabato Provincial Headquarters may kalabutan sa kamatayon ni Police Senior Inspector Hernan Gabat.
Apan sumala pa niini nga una nila mahatag sa publiko ang mga pangalan o detalye tungod nagpadayon pa ang ginahimong imbestigasyon sa kapulisan sa Polomolok.
Kahibaluan nga una ng gi relieved sa pwesto isip Hepe sa Polomolok PNP si Police Chief Inspector Aldrin Gonzales.
Tungod sa maong panghitabo sobling gipahinumduman karon ni Senior Supt. Franklin Alvero, ang provincial police director sa South Cotabato PNP ang tanan niining kapulisan sa South Cotabato nga mag amping kanunay og protektahan kanunay ang ilahang mga kaugalingon tungod sa posibling pag resbak sa pipila ka mga grupo nga nakabangga sa kapulisan sa ilahang mga operasyon kontra krimen og iligal nga droga.
Kahinumduman nga duha na ka pulis sa Polomolok PNP ang gipamusil una ang Intelligence operative sa Polomolok PNP ikaduha ang pagpusil patay na deputy Station Commander na nga si PSI Gabat. (Emir Bariquit)
